Орхус конвенциясы — 1998 жылғы 25 маусымда Орхус қаласында (Дания) қол қойылған Біріккен Ұлттар Ұйымының Еуропалық экономикалық комиссиясының «Ақпаратқа қол жеткізу, жұртшылықтың шешімдер қабылдау процесіне қатысуы және қоршаған ортаға қатысты мәселелер бойынша сот төрелігіне қол жеткізу туралы» конвенциясы.
Конвенцияның мақсаты — экологиялық ақпаратқа қол жеткізуге, жұртшылықтың шешімдер қабылдау процесіне қатысуына және қоршаған ортаға қатысты мәселелер бойынша сот төрелігіне қол жеткізуіне кепілдік беру арқылы қазіргі және болашақ ұрпақтың әрбір адамының денсаулығы мен әл-ауқатына қолайлы қоршаған ортада өмір сүру құқығын қорғауға жәрдемдесу.
Орхус конвенциясы жұртшылықтың қатысуының үш негізгі қағидатына негізделген:
- Экологиялық ақпаратқа қол жеткізу.
- Экологиялық маңызды шешімдерді қабылдауға жұртшылықтың қатысуы.
- Қоршаған ортаға қатысты мәселелер бойынша сот төрелігіне қол жеткізу.
Қазақстан Республикасы Қазақстан Республикасының 2000 жылғы 23 қазандағы № 92-II Заңына сәйкес Ақпаратқа қол жеткізу, жұртшылықтың шешімдер қабылдау процесіне қатысуы және қоршаған ортаға қатысты мәселелер бойынша сот төрелігіне қол жеткізу туралы конвенцияны ратификациялады.
Қазақстан Республикасы Қоршаған ортаны қорғау министрінің 2009 жылғы 20 наурыздағы № 35-ө «Орхус конвенциясын іске асырудың кейбір мәселелері» бұйрығына сәйкес, ҚР ЭТРМ «Қоршаған ортаны қорғаудың ақпараттық-талдау орталығы» ШЖҚ РМК Орхус конвенциясын іске асыру жөніндегі жұмыс органы болып табылады.
Орхус конвенциясы PDF форматында
Орхус конвенциясының қазақ тіліндегі толық мәтінін жүктеп алыңыз.
Орхус конвенциясын іске асыру шеңберіндегі ҚР ЭТРМ «Қоршаған ортаны қорғаудың ақпараттық-талдау орталығы» ШЖҚ РМК қызметі
- Мемлекеттік экологиялық ақпарат қорын жүргізу;
- Қазақстан Республикасының қоршаған ортасының жай-күйі және табиғи ресурстарын пайдалану туралы ұлттық баяндаманы әзірлеу;
- «Қазақстан экологиясы» республикалық мамандандырылған электрондық газетін шығару;
- Қазақстан Республикасында Орхус конвенциясын іске асыру шеңберінде жыл сайынғы дөңгелек үстел өткізу;
- қоршаған ортаны қорғау саласында біліктілікті арттыру семинарларын өткізу;
- қоршаған ортаны қорғау саласындағы уәкілетті органның ақпараттық жүйесін жүргізу (қоғамдық тыңдаулар бойынша);
- Қазақстан Республикасының ластағыштардың шығарындылары мен тасымалдарының тіркелімін жүргізу.